25

Jarqo`rg`onlik  28 yoshli ayol chaqalog`ini 10.000.000  so`mga sotayotganda ushlandi

Jinoyat 13.07.2020, 15:56
1243
Jarqo`rg`onlik  28 yoshli ayol chaqalog`ini 10.000.000  so`mga sotayotganda ushlandi

Jarqo`rg`onlik  28 yoshli F.N., qiz farzandini Qumqo`rg`on tumanida yashovchi 35 yoshli Yu.T.,ga qonuniy, sud orqali farzandlikka berishga rozi bo`ladi. Shu sababdan tug`ruq davomida ketgan dori-darmon va boshqa sarf-xarajatlariga deb 1.700.000 so`m pul oladi.

2020 yilning aprel oyidagi Fuqarolik ishlari bo`yicha Qumqo`rg`on tumanlararo sudining yig`ilishida  Yu.T., ga farzandilikka berish uchun barcha hujjatlarni to`plab sud zaliga borganda F.N. fikridan qaytib farzandini bermasligini bildirgan. 

O`zbekiston Respublikasi IIV huzuridagi Tergov departamenti bergan xabarga ko`ra, oradan bir necha kun o`tib, F.N. telefon orqali va bir necha marotaba Yu.T., ning yashash uyiga kelib, qiz chaqalog`ini sotish uchun Yu.T., dan 10.000.000  so`m miqdordagi pul mablag`ini talab qilganidan so`ng, Yu.T. IIB ga ariza bilan murojaat qilgan.

Mazkur ariza asosida IIB xodimlari tomonidan fuqaro 2020 yilning 3 iyul kuni Qumqo`rg`on tuman “Oqsoy” mahallasi hududida joylashgan “Yoshlar xiyoboni” hovlisida o`tkazilgan tezkor tadbirda, F.N. qiz chaqalog`i uchun  Yu.T., dan  talab qilgan 10.000.000 so`m miqdorida pul mablag`ini olgan vaqtida ashyoviy dalillar bilan ushlangan.

 Mazkur holat yuzasidan Qumqo`rg`on tumani IIB huzuridagi Tergov bo`linmasi tomonidan O`zbekiston Respublikasi Jinoyat kodeksining 135-moddasi 3-qismi “a” bandi (odam savdosi) bilan jinoyat ishi qo`zg`atilgan, hozirgi kunda dastlabki tergov harakatlari olib borilmoqda.  

 

Шарҳлар