Ertadan boshlab, Moskva aholisi koronavirus uchun bepul test topshirishi mumkin. Buning uchun shahardagi 207 ta klinikada test olinadigan shoxobchalar ochiladi.
Moskva shahri ma`muriyatining ma`lum qilishicha, koronavirus infeksiyasi bilan yangi kasallanish holati sonining kamayishi sababli imkoniyatlar kengaygach, testlarni bepul o`tkazish bo`yicha qaror qabul qilingan.
Shaharda bir sutkada o`rtacha 50 mingtagacha test olish imkoniyati mavjud. Epidemiya boshlangandan buyon esa 4,3 million tahlil olingan.
