Shu munosabat bilan qisqa muddatlarda ushbu kasallikka chalinganlarni davolash uchun yaratilgan qo`shimcha o`rin-joylar sonini, birinchi navbatda oliygohlar yotoqxonalari, yopiq sport maydonlari va boshqa sig`imi katta bino-inshootlar hisobiga, kamida ikki-uch barobarga oshirilishini ta`minlash vazifasi qo`yildi.
Shuningdek, “O`zekspomarkaz” milliy ko`rgazmalar majmuasida ushbu virusga shubhali bo`lgan bemorlarga birinchi tibbiy yordam ko`rsatuvchi 500 o`rinli Taqsimlovchi markaz tashkil qilinmoqda.
Xususiy klinikalarga ham bunday bemorlarga tibbiy yordam ko`rsatishga ruxsat berildi va hozirda ularning ro`yxati tuzilmoqda.
Poytaxt viloyatida koronavirus kasalligi gumonlangan shaxslarni davolash va nazoratini olib borish uchun 905 shifo o`rin, diagnozi tasdiqlanganlar uchun 210 o`rin stasionar shifoxonalar faoliyat ko`rsatmoqda va qo`shimcha 350 zaxira o`rin tayyorlab qo`yildi.
