Internetda barmoq uchidan olingan bir tomchi qonda «Kovid»ga test o`tqizib, yarim soatda natijasini bilish mumkinligi xaqida videolar bor. Bu qanchalik ishonchli?
Ushbu savolga AOKA huzuridagi shtabda o`tkazilgan brifingda ishtirok etgan Sanitariya-epidemiologiya nazorati davlat inspeksiyasi boshlig`i Nurmat Otabekov quyidagicha javob berdi:
Koronavirusga tashxis qo`yishning 3 usuli bor:
➖ PZR tahlil usuli.
➖ Immunoferment tahlil usuli.
➖ Ekspress test usuli.
Barmoq uchidan qon olib tekshirish - bu ekspress usul hisoblanib, tahlil javobi 10-15 minutda tayyor bo`ladi. Ekspres usulning afzalliklaridan biri bu qisqa vaqt ichida qonda antitanachalar bor yoki yo`qligini (immunitet) aniqlash imkonini berib, aksariyat hollarda aholining mazkur kasallik bilan kasallanib o`tganligini bilish maqsadida qilinadi.
Ekspress usul orqali M-immunoglobulinlar aniqlanishi kasallikni yaqinda o`tkazganligi, G-immunoglobulini aniqlanishi kasallanib o`tganligiga ancha bo`lganligini ko`rsatadi.
Respublikamizda ham tashxislashning IFA va ekspress usullaridan foydalanishga ruxsat berilgan.
