Aktrisa Anjelina Joli “Lojuvard sohil”filmi promo kampaniyasi doirasida jurnalistlarga oilaviy hayoti, salomatligi va farzandlari haqida intervyu berdi. Bu haqda “1news.az” xabar bermoqda.
Iyun oyida aktrisa og`ir jarrohlik amaliyotini boshidan kechirgan edi. Uning aytishicha, aktrisa hozirda hayotida yangi davr boshlanganini his etmoqda va kichik oilaviy xursandchiliklardan ham baxt hissini tuymoqda.
-Ba`zan shunchaki uyda qolib, uy ishlarini bajargim keladi. Buning sababi, hozirda o`zimni ancha ulg`ayganimni his etmoqdaman. Bu hayotimdagi butunlay boshqa davr boshlanganini anglatadi. U chinakam va oddiy oilaviy hayot haqida”, — deydi aktrisa.
Anjelina Joli va uning turmush o`rtog`i Bred Pitt farzandlari bilan sayohatga chiqishni xush ko`radi. Yulduzlar safarlarda imkon qadar farzandlariga qulay sharoit yaratib berishga harakat qiladi. Ayni paytda aktrisa farzandlari bilan “Kamboja qizining xotiralari” filmini suratga olish uchun Kambojaga jo`nab ketgan. Kartinani suratga olish ishlarida aktrisaga uning katta o`g`li Meddoks(Bolakay asli kambojalik. Aktrisa uni 2002 yilda asrab olgan) yordam bermoqda. Joli o`zining tig`iz ish rejasiga qaramay, farzandlariga imkon qadar ko`proq vaqt ajratishga harakat qiladi.
“Umid qilamanki, farzandlarim mening xatolarimni takrorlamaydi. Men yoshlikdagi beboshliklarimga qaramay onam bilan yaqin munosabatni saqlab qolganman. Farzandlarim ham men bilan shunday yaqin bo`lishini istardim”, — dedi aktrisa
