АҚШнинг Пенсилвания штатида яшовчи 19 ёшли Жалил ибн Амир Азиз исмли шахс Twitter ижтимоий тармоғи орқали ДАИШ террорчилик ташкилотини тарғиб қилганлиги учун ҳибсга олинди, деб хабар беради “Lenta.ru” штат прокурори маълумотларига таяниб.
Ҳибсга олинган шахс террорчилик ташкилотини молиявий қўллаб-қувватлаганликда айбланмоқда. Маълумотларга кўра, Амир Азиз 20 йилга озодликдан маҳрум этилиши ва 250 минг долларгача жарима тўлаши мумкин.
“Азиз интернет орқали ДАИШни қўллаб-қувватловчиларнинг сонини кўпайтириш, АҚШга ва унинг фуқароларига қарши зўравонликни тарғиб этиш мақсадида Twitter`да 57 тага яқин саҳифа очган “,— дейилади хабарда.
Хусусан, у ўз фолловерларига юзлаб ҳарбий хизматчиларнинг уй манзилларини бериб, улардан ўч олишга чорлаган. Бундан ташқари, Азиз ДАИШ назорати остида бўлган ҳудудларга чиқмоқчи бўлган фуқароларга ҳам ёрдам берган.
Азизнинг уйини тинтув қилиш жараёнида тўртта автомат ўқдони, қайтадан ясалган ошхона пичоғи, қаттиқ компьютер диски ва дори-дармонлар топилган. Мазкур ҳолат юзасидан текшириш ишлари ФҚБнинг Пентагон вакилларини ўз ичига олган терроризмга қарши кураш маркази томонидан олиб борилмоқда.
