Мадриднинг “Реал” футбол клуби бош мураббийи собиқ клуб футболчиси, франциялик Зинедин Зидан бўлди.
Бу ҳақlа махсус чақирилган матбуот анжуманда жамоа президенти Флорентино Перес маълум қилди. Хабар “қироллик клуби” расмий сайтида чоп этилди.
Бу вақтгача 44 ёшли француз “Реал Кастилья”ни бошқарган. Зиданнинг “қироллик клуби” билан шартнома муддати номаълум.
4 январь куни “Реал” бош мураббийи лавозимини Рафаэль Бенитес тарк этганди. Бенитес Мадриднинг клубига 2015 йилнинг июнида италиялик Карло Анчелоттининг ўрнига келганди.
Зидан “Реал” таркибида 2001 дан 2006 йилларгача тўп сурган.
