Синоптикларнинг хабар беришича, Республиканинг айрим ҳудудларида ҳаво ҳарорати 18 даражагача кўтарилади.
Ўзгидрометеорология марказининг маълумотларига кўра, 7-8 январь кунлари қисқа муддатли ёмғирлар кузатилиши мумкин. Ҳаво ҳарорати кундузи ўртача 8-13, кечаси эса 0-5 даража илиқни ташкил этади.
9-10 январь кунлари ёғингарлик кузатилмайди. Ҳаво ҳарорати кечаси 2-7, кундузи 8-13 даража илиқни ташкил этади. Айрим ҳудудларда ҳаво ҳароратининг 18 даражагача исиши кузатилади.
Республиканинг тоғли ҳудудларида ёғингарчиликлар кузатилади. Мазкур ҳудудларда ҳаво ҳарорати кечаси 0-5 даража совуқ, кундузи 0-5 даража иссиқни ташкил этади.
