Мангу севги барқарорлиги-ю, никоҳлар энг аввало аршиалода тузилишига ишониш қийин.Тўй либоси танлаш фурсати келганида эса кўйлак қандай кўринишда бўлиши куёв танлаш сингари чуқур ўйлантириши ҳақида баҳс бойласа бўлади.
Чиройли тўй кўйлаги- тўйнинг муваффақиятли ўтишида муҳим ҳисобланади. Сабаби меҳмонларнинг аксарияти айнан базмнинг сабабчиларидан бири бўлган келиннинг чиқишини кутишади. Юлдузлар ҳам турмушга чиқаётган бошқа қизлар сингари тўй либосига жиддий эътибор беради. Юлдузларнинг энг чиройли тўй кўйлакларини бизни саҳифамизда кўришингиз мумкин.
Жаклин Кеннеди-Онассис
АҚШнинг биринчиларидан ҳисобланган бўлажак леди 1953 йилда ҳали сенатор бўлган Жон Кеннеди билан турмуш қурган. У замонларда ҳали ҳеч ким тўй кўйлакларнинг бичими ва фасони бўйича тажрибалар ўтказишга жазм этмасди. Шунинг учун Жаклиннинг кўйлаги оддий классика услубида, яъни башанг, оқ рангли, елкалари салгина очиқ ҳамда V-кўринишидаги ёқали бўлган.
Грейс Келли
Ҳар томонлама қироличаларга хос бўлган тўй кўйлакларидан бирини Голливуд юлдузи Грейс Келли 1956 йилда Монако қироли Ренье IIIга турмушга чиқаётганида танлаб олганди. Келажакда эри билан ёнма-ён қироллик ишларини юритган Грейс, валан тўрдан тикилган ёпиқ кўйлакни кийган эди.
Бьянка Жаггер
Бьянка Жаггер айни рок-н-ролл гуллаган вақти 70 йиллар бошида The Rolling Stones хонандаси Микк Жаггернинг биринчи қонуний хотини бўлгани учун ҳеч ким ундан одми, ерга тегиб турадиган оқ кўйлак кийишини кутмаган. Бироқ Бьянка анъанавий тўй либосидан воз кечиб, узун оқ юбка, қуруқ баданига чуқур ўйилган ёқали оқ смокинг ва кенг оқ шляпа кийиб тарихга мухрланди.
Анжелина Жоли
2014 йилда Анжелина Жоли ва Брэд Питтнинг қурган никоҳини узоқ кутилган замонавий тўйлар сарасига киритиш мумкин. 6 нафар боланинг ота-онаси асосий тўй тараддуд ишларини ўз фарзандларига топширишди. Келин образини яратишда ҳам улар бевосита иштирок этишган ҳолда Atelier Versace`нинг ипак шойили либосини болаларга оид расмлар билан безатишди.
Кейт Мосс
Ҳозирги вақтнинг энг жанжалкаш модели Кейт Мосс ҳам рок мусиқачига турмушга чиқди(Бундай бахтга эришган куёв гитарачи The Kills Джейми Хинс). Ўз-ўзидан маълумки у оппоқ “торте” кўйлагини киймаган. Кейтнинг бохо услубидаги тўй кўйлагини Жон Гальяно тиккан эди.
Меган Фокс
Кўпгина хайкалтарошлик ишлари ва касбдошларига нисбатан танқиди билан машҳур бўлган Меган Фокс, актёр Брайан Остин Гринга ғайриоддий шароитда турмушга чиқди. Уларнинг тўйи океан қирғоқида бўлиб ўтди. Меҳмонлардан фақат Брайаннинг биринчи турмушидан бўлган ўғли иштирок этди. Меганнинг ўзи эса ортиқча ҳашамлардан холи, оддий оқ кўйлагини унга монанд бўлган оддий оқ фата билан тўлдирди.
Кейт Миддлтон
Шахзода Уильям ва Кейт Миддлтоннинг тўйи катта шов-шувларга сабаб бўлган эди. Сабаби, қироллик оиласига мансуб бўлмаган, оддий Кейт исмли қиз худди эртаклардаги каби бир кечада “Золушка”дан маликага айланиб қолганди. Ўз-ўзидан маълумки Кейтга оддий кўйлакда турмушга чиқишда ҳеч ким рухсат бермасди. Шунинг учун унинг либоси шунга мувофиқ ҳолда- алоҳида чиройли тўрли оқ кўйлак, ақлни оздирадиган шлейф ва бош кийимли фата бўлган.
Фержи
Таниқли қўшиқчи 2009 йилда актёр Жош Дюамелга турмушга чиқди. У олдинги йиллардаги тўй либослари модасига уйғунлашган ҳолда либосни танлади. Фержи башанг вариантдан воз кечиб қоматни билдириб турадиган ва этагининг пастки қисми кенгайиб кетадиган кўйлакни танлади. Сочларнинг салгина эркин жилвадор пала партиш турмаклангани эса келининг чиройига янаям кўрк қўшди.
Гвен Стефани
Гвен 2002 йилда рок мусиқачи Гэвин Россдейлига турмушга чиқди. Ўзининг кўриниш услублари бўйича ўтказадиган тажрибалари билан машҳур бу юлдуз “анъанавий келин” кўринишидан воз кечди. Натижада Гвеннинг кўйлаги оқ рангдан тўқ қизил рангга равон ўтиб борарди. Энг қизиғи шундаки бу ўзига хос кўринишга эга бўлган кўйлак ўша пайтда Dior уйида раҳбарлик қилган Жон Гальяно муаллифлигига тегишли.
Натали Портман
Натали ва унинг севгилиси Бенжамин Мильпье жуда оддий оилавий тўйни ўтказишга қарор қилишди. Бу баъзмга улар фақат энг яқин дўсту-ёрларини таклиф қилишди. Актриса анча оддий бироқ узунлиги тиззадан пастроқ башанг юбкали майин кўйлакни танлади. Ёйилган сочини эса, Портман гулчамбар билан безади.
Энн Хэтэуэй
Энн севгилиси Адам Шульман билан 2012 йилда турмуш қурди. Ва бу ҳодиса учун у энг чиройли ва назокатли кўйлак тиктиришни маъқул деб топди. Актрисага Valentino уйида булутга ўхшаш, кўринишидан енгил бўлган либос тикилди. Энн кўйлагининг этаги билинар-билинмас пушти рангга бўялган эди.
Хилари Дафф
Хиллари ва унинг турмуш ўртоғи хоккейчи Майк Комри айни вақтда бирга яшашмаётган бўлса ҳам, уларнинг тўйи 2000 йилда ўтказилган юлдузла ўртасида энг чиройлиси саналган.
Хиллари қоматни чертиб турадиган, фил суяги рангидаги тор кўйлакда янаям дабдабали кўринган. Сочнинг юқорига турмаклангани актрисанинг кўринишини юқори даражада бойитиб турган.
Сальма Хайек
Сальма Хайек ва унинг турмуш ўртоғи Франсуа-Анри Пино қизи Валентина туғилганидан кейин ажралишади. Бироқ кейин яна қайтадан топишишади ва турмуш қуришга қарор қилишади. Сальманинг кўйлаги оддий башанг юбкали ва юқори қисми ялтироқ бўлган. Маросимнинг ўзи эса XVIII асрга оид Венеция саройида бўлади. Ушбу маросимни кўриш учун Голливуднинг ярим аҳолиси саройнинг томида йиғилиб олади.
Манба: woman-rules.ru
