Кератодермия – қўл ва оёқ кафти терисининг дағаллашиши билан намоён бўладиган касаллик. Организмда витамин A етишмаслиги, гормонал бузилишлар, бактерияли ва вирусли инфекциялар кератодермиялар ривожланишида муҳим ўрин тутади.
Касалликнинг иккита тури мавжуд:
Болада диффуз кератодермия туғма ҳолда учраши мумкин. Дастлаб беморнинг қўл ва оёқ кафти териси бироз қалинлашади. Соғлом ва зарарланган тери ўртасида кўкимтир-кулранг чизиқ (ёки тасма) бўлади. Вақт ўтиши билан зарарланган соҳадаги тери дағаллашади, унинг юзаси текис ёки ғадир-будир кўринади, ранги эса сарғиш, жигарранг тус олади.
Баъзан зарарланган соҳада ёриқлар пайдо бўлиши мумкин. Кафт ва бармоқларнинг ташқи тарафи камдан-кам ҳолларда зарарланади. Тирноқлар тез ўсиб қалинлашади. Қўл ва оёқ кафтидаги ёриқлар (айниқса яллиғланганда) оғриққа сабаб бўлиши мумкин.
Кератодермияларнинг баъзи турларида қўл ва оёқ кафти дағаллашишидан ташқари ички аъзолар, эндокрин, асаб тизими ишида ҳам бузилишлар кузатилади, тиш ва оғиз бўшлиғи касалликлари юзага келади. Шунингдек, соч ва тирноқлар ҳам зарарланиши мумкин.
Даволаш дерматолог шифокор назорати остида олиб борилади. Керакли дори-дармонлар ва витаминлар (шу жумладан, витамин A) қабул қилиш, шунингдек махсус мазь, кремлар, физиотерапия муолажалари буюрилади.
Дерматолог-косметолог шифокор, тиббиёт фанлари номзоди Гулбаҳор Нуритдинова тавсиялари асосида тайёрланди
