Куни кеча, тунда, Самарқанд шаҳри Б.Мирзо кўчасидаги уйларнинг бирида истиқомат қилувчи фуқаро Фавқулодда вазиятлар вазирлигининг вилоят бошқармаси навбатчилик қисмига уни чуқурликдан чиқариб олишларини сўраб мурожаат қилди, дея хабар бермоқда ФВВ Матбуот хизмати.
Шундан сўнг, лейтенант Н.Каримов бошчилигидаги қутқарув гуруҳи зудлик билан белгиланган манзилга етиб бориб, беш дақиқа ичида уй эгасини чуқурдан олиб чиққанлар. Маълум бўлишича, фуқаро Р.С тунда ҳовлида юрган вақтида бир кун олдин ўзи қазиб қўйган чуқурликка тушиб кетган. Яхшиямки, уй эгаси жиддий жароҳатлар олмаган.
