Мамлакатимизнинг қатор вилоятларида Россия Федерациясининг кўплаб иш берувчи корхоналарига фуқароларни ташкиллаштирилган ҳолда ишга жалб қилиш мақсадида ўтказилган танловлардан муваффақиятли ўтган фуқаролар Россия ҳудудига кириш учун рухсатномалар олингач, ушбу давлатда вақтинчалик меҳнат фаолиятини амалга ошириш учун жўнаб кетмоқда.
Суҳбатлардан муваффақиятли ўтган фуқаролардан 331 нафари 25 февралда, 62 нафари 26 февралда Россия Федерациясининг “ПИК Индустрия” АЖ, “Техстрой” ва “Ант Япы” МЧЖларда ишлаш учун Тошкент ва Наманган халқаро аэропортлари орқали учиб кетди.
Россияда ишлаш учун кетаётган юртдошларимизга аэропортда тегишли тушунтиришлар берилиб, меҳнат мигрантлари ҳуқуқ ва манфаатларини ҳимоя қилиш юзасидан материаллар тарқатилди.
Юртдошларимиз белгиланган эпидемиологик талаблар ва карантин чекловларига риоя қилган ҳолда турли объектларда иш бошлайди.
