Андрей Аршавин, Мадонна, Арнольд Шварценеггерларнинг собиқ турмуш ўртоқлари умрининг охиригача етадиган маблағ билан таъминланди, дея хабар берди “7days.ru” нашри.
Андрей Аршавин ва Юлия Барановская
Футболчи Андрей Аршавин Юлия Барановская билан расман никоҳдан ўтмаган бўлса-да, фарзандлари учун уй, машина қолдирди ва топган даромадининг ярмини тўлайдиган бўлди. Улар тўққиз йил бирга яшашган, уч фарзанднинг ота-онаси. Ажрашувга Андрей Аршавиннинг узоқ муддатли сафарлари сабаб бўлган.
Мадонна ва Гай Ричи
Мадоннанинг режиссёр Гай Ричи билан никоҳни бекор қилиши унга жудаям қимматга тушди. Режиссёр 92 миллион долларга эга бўлди. Бу никоҳ саккиз йил умр кўрди. Уларнинг Рокко исмли ўғиллари бор. Гай Ричи Мадоннанинг ўта инжиқлигини ажрашув сабаби қилиб кўрсатган.
Арнольд Шварценеггер ва Мария Шрайвер
Калифорниянинг экс-губернатори Арнольд Шварценеггер Мария Шрайверга мол-дунёсининг ярмини – 200 миллион долларга яқин пул қолдирадиган бўлди. Арнольд Шварценеггер телебошловчи Мария Шрайвер билан 25 йил бирга яшади. Лос Анжелес олий суди 25 йил бирга яшаган аёлга мол-дунёнинг ярмини бериши лозимлиги ҳақида қарор чиқарди. Бу жуфтликнинг ажрашувига Арнольд Шварценеггернинг уй хизматкори билан бўлган ишқий муносабати сабаб бўлган.
Мэл Гибсон ва Робин Мур
Актёр ва режиссёр Мэл Гибсон собиқ рафиқаси Робин Мурга 400 миллион доллар тўлади. Улар 30 йил бирга яшашган, етти фарзандлари бор. Суд жараёни икки йил давом этган. Ажрашувга Мэл Гибсоннинг спиртли ичимликка ружу қўйгани, пианиночи Оксана исмли рус қизи билан бўлган ишқий можаролари сабаб бўлган.
Майкл Дуглас ва Диандра Люкер
Артист собиқ рафиқасига 45 миллион доллар тўлади. Улар биргаликда 18 йил яшаган. Кэмэрон исмли ўғиллари бор. Ажрашувга Майклнинг қизиққон феъл-атвори ва хиёнатлари сабаб бўлган. Майкл Дуглас кейинчалик машҳур актриса Кетрин Зета-Жонсга уйланди.
Харрисон Форд ва Мелисса Мэтисон
Актёр Харрисон Форд собиқ турмуш ўртоғи сценарийнавис Мелисса Мэтисонга 90 миллион доллар тўлади. Бу актёрнинг иккинчи никоҳи эди. Унинг биринчи никоҳидан икки фарзанди бўлган. Мелисса Мэтисондан ҳам икки фарзанди бор. 18 йиллик никоҳ Харрисон Форднинг хиёнати туфайли таназзулга юз тутди.
Стивен Спилберг ва Эми Ирвинг
Режиссёр Стивен Спилберг собиқ турмуш ўртоғи актриса Эми Ирвингга 100 миллион доллар пул тўлади. Уларнинг Макс Сэмюэль исмли ўғли бор. Ажрашувга Эмининг бошқа инсонни севиб қолгани сабаб бўлган.
