Хабарингиз бор, бугун Ўзбекистон миллий терма жамоаси ЖЧ–2018 турнирига 2-саралаш босқичининг сўнгги турида Баҳрайнга қарши баҳс олиб боради.
Учрашув Тошкент вақти билан 18:00 да, “Бунёдкор” стадионида бошланади. Лекин, ушбу ўйиннинг натижасидан фарқли ўлароқ, Ўзбекистон термаси 3-саралаш босқичига йўлланмани қўлга киритди. Бунга сабаб эса Австралия терма жамоасининг Иордания устидан эришилган йирик, 5:1 ҳисобидаги ғалабаси бўлди.
Шу тариқа, Ўзбекистон ва Баҳрайн учрашуви натижасидан қатъий назар, терма жамоамиз “H” гуруҳида иккинчи ўрин олса ҳам иккинчи ўринни олган энг яхши тўрт жамоадан бири бўлади.
