Ташқи меҳнат миграцияси агентлиги ҳамда Россия Федерациясининг “Мерос Солюшн” корхонаси ўртасида имзоланган ҳамкорлик келишуви асосида Агентликнинг минтақавий филиалларида қишлоқ хўжалиги соҳасида ишлаш истагида бўлган фуқаролар иштирокида танлов ўтказилган эди.
Ушбу танловдан муваффақиятли ўтиб, тиббий кўрик натижалари ижобий чиққан 24 нафар фуқаро Тошкент – Москва йўналишидаги авиарейс орқали вақтинчалик меҳнат фаолиятини амалга ошириш учун ташкилий тартибда Россия Федерациясига жўнатилди.
Шунингдек, Агентлик билан Россия Федерациясининг “Балтранс” корхонаcи ўртасида имзоланган келишувга асосан 16 нафар юртдошимиз қурилиш объектларида ишлаш учун юборилди.
Тошкент – Москва ҳамда Тошкент – Санкт-Петербург йўналишидаги авиарейслар орқали вақтинчалик меҳнат фаолиятини амалга ошириш учун кетаётган фуқаролар билан тарғибот ишлари олиб борилиб, соҳага оид буклет, тарқатма материаллар берилди.
