Ижтимоий тармоқларда Тошкент шаҳар ИИББ ЙҲХБ инспектори томонидан тўхтатилган бир аёл киши ИИО ходимларининг қонуний талабларига бўйсунмаган, ўзини вазир ўринбосарининг иккинчи хотини эканлигини айтиб жанжал кўтарган. Мазкур ҳолат юзасидан Тошкент шаҳар ИИББ томонидан ўтказилган текширув жараёнида қуйидагилар аниқланди.
30 июль куни ўтказилган махсус рейд тадбирида «Некция-3» русумли давлат рақами 01 Х 743 DB бўлган автоулов тўхташ ишорасига бўйсунмаган. Сўнгра КХАЙ ва Фарҳод кўчалари кесишмасида тўхтатилган.
Ҳайдовчи 1996 йилда туғилган Э.Мадина автотранспорт воситасини техник қайд этиш гувоҳномасидан ташқари бошқа ҳужжатларни тақдим эта олмаган. Жавобгарликдан қочиб қутулиш мақсадида Э.Мадина ва унинг укаси 1999 йилда туғилган Э.Умидлар ИИО ходимларининг фаолиятига тўсқинлик қилиб, жанжал кўтарган.
Уларга МЖтКнинг тегишли моддаларига асосан маъмурий баённома расмийлаштирилиб, автоулов вақтинча жарима майдончасига жойлаштирилган, суд томонидан тегишли жазо чоралари қўлланган.
Ўтказилган текширув жараёнида Э.Мадинанинг ҳеч қайси вазир ўринбосарига алоқаси йўқлиги аниқланган.
