Кинематография агентлиги буюртмасига биноан “Ёшлик” киностудияси томонидан “Орзуга қайтиш” (“The return to dreams”) қисқа метражли фильми суратга олинди. Постановкачи режиссёр Кими Мегуро. Бу ҳақда Кинематография агентлиги Ахборот хизмати маълум қилди.
Мазкур кинокартина “Ипак йўли дурдонаси” Тошкент халқаро кинофестивали дастуридаги “Кино 5 кунда” ёш режиссёрлар лойиҳасида япониялик ижодкорлар билан бирга яратилган.
“Орзуга қайтиш” қисқа метражли фильмида бош қаҳрамон кекса чолнинг ҳаётий кечинмалари қизиқарли воқеалар орқали акс эттирилган.
Маълумот учун, “Кино 5 кунда” танловида Испания, Беларусь, Ҳиндистон, Россия, Арманистон, Қозоғистон ва бошқа мамлакатлардан ёш киноижодкорлар иштирок этишди.
