Ўзбекистон Республикаси соғлиқни сақлаш вазирлиги 1003 ягона ишонч телефонини ишга туширди. Бу ҳақда вазирликнинг расмий сайти маълумот берди.
Кун-у тун фаолият юритадиган ишонч телефонига маълумот олиш ёки соғлиқни сақлаш тизимидаги қонунбузарлик ҳолатларидан бохабар этиш учун қўнғироқ қилиш мумкин. Ишонч телефони орқали мурожаат этган фуқаро исми-шарифини аниқ кўрсатган тақдирдагина унга маълумот берилади. Содир этилган ёки содир этилиши кутилаётган қонунбузарлик аломатлари сезилган аноним мурожаатлар эса ҳуқуқ-тартибот органларига йўналтирилади.
1003 рақами аввал Тошкент шаҳридаги Doctor Service клиникасига тегишли эди, эндиликда клиника диспетчер хизматига 1072 рақами ёрдамида уланиш мумкин.