Сирдарё вилояти ИИБ ходимлари томонидан ўтказилган тезкор тадбир натижасида оғуфуруш қўлга олинди.
Ҳуқуқ-тартибот идоралари томонидан Сирдарё туманида яшовчи 24 ва 25 ёшли шубҳали шахслар тўхтатиб текширилганида, уларнинг қўлидаги сумкадан 3 килограммдан зиёдроқ «марихуана» гиёҳвандлик моддаси топилган.
Ўзбекистон Республикаси ИИВ Матбуот хизматининг хабар беришича, мазкур ҳолат юзасидан Ўзбекистон Республикаси Жиноят Кодексининг тегишли моддаси билан жиноят иши қўзғатилиб, ҳозирда тергов ҳаракатлари олиб борилмоқда.
