Sirdaryo viloyati IIB xodimlari tomonidan o`tkazilgan tezkor tadbir natijasida og`ufurush qo`lga olindi.
Huquq-tartibot idoralari tomonidan Sirdaryo tumanida yashovchi 24 va 25 yoshli shubhali shaxslar to`xtatib tekshirilganida, ularning qo`lidagi sumkadan 3 kilogrammdan ziyodroq «marixuana» giyohvandlik moddasi topilgan.
O`zbekiston Respublikasi IIV Matbuot xizmatining xabar berishicha, mazkur holat yuzasidan O`zbekiston Respublikasi Jinoyat Kodeksining tegishli moddasi bilan jinoyat ishi qo`zg`atilib, hozirda tergov harakatlari olib borilmoqda.
