Божхона органлари томонидан товар моддий бойликларнинг ноқонуний айланмасига қарши курашиш ишлари тизимли равишда амалга оширилиб келинмоқда.
Хусусан, Андижон аэропортига хорижий авиарейс билан учиб келган фуқаро З.Ў. нинг хатти-ҳаракатлари божхоначилар эътиборини тортди ва ушбу шахс ўрнатилган тартибда божхона кўригидан ўтказилди.
Натижада, юклар орасида сифати кафолатланмаган, умумий қиймати 64,1 миллион сўмлик 126 дона косметология воситалари борлиги аниқланди.
Ҳозирда мазкур ҳолат юзасидан божхона органлари томонидан суриштирув ишлари давом эттирилмоқда.
