"Ливерпуль" ва ҳужумчи Муҳаммад Салоҳ янги шартнома бўйича келиша олишмаяпти. Бу ҳақда таниқли инсайдер Фабрицио Романо маълум қилди.
Қайд этилишича, "Ливерпуль" таклиф қилган шартлар футболчи ва унинг агентини қониқтирмаган. Салоҳ истаги эса клубни қаноатлантирмаяпти.
Ўз навбатида футболчи фаолиятининг қолган қисмини ҳам "Ливерпуль"да ўтказишни истамоқда. Бироқ футболчи клуб берган таклифга розилик билдирмаяпти.
Эслатиб ўтамиз, Салоҳнинг "Ливерпуль" билан шартномаси 2023 йилнинг ёзига қадар мўжалланган.
