2026 йил 18 март куни Сирдарё вилояти Мирзаобод туманида фуқаро А.С. ариза билан мурожаат қилиб, давлат ижрочиси ундан ижро ишини тугатиб бериш эвазига 20 миллион сўм сўраётганини билдирди. Бош прокуратура матбуот хизмати хабар берди.
Қайд этилишича, мазкур иш бўйича қарздордан 30 миллион сўм ундириш белгиланган бўлиб, ижро иши МИБ ходимлари томонидан юритилаётган бўлган.
Ўтказилган тезкор тадбир давомида давлат ижрочилари фуқародан 20 миллион сўмни олиб, унинг бир қисмини бериб, қолганини ўзлаштирмоқчи бўлган пайтда ашёвий далиллар билан ушланган.
Ҳолат юзасидан Жиноят кодексининг 168-моддаси 3-қисми “в” банди билан жиноят иши қўзғатилиб, гумонланувчилар ушланган. Тергов ҳаракатлари давом этмоқда.
