Аввалроқ 5 нафар ўзбек боксчи қизлари ўсмирлар ўртасида Осиё чемпиони бўлгани ҳақида ёзгандик.
Айни дамда Спортни ривожлантириш вазирлиги берган хабарга кўра, ўғил болалар ўртасидаги баҳслар ҳам якунига етиб, яна 6 нафар ўзбекистонлик Осиё чемпионига айланди.
Бокс бўйича ўсмирлар ўртасида Осиё чемпионатининг финал жангларида терма жамоа аъзолари қайд этган натижалар билан танишинг:
- -48 кг: Илҳомжон Эргашев ҳиндистонлик рақибини мағлуб этди ва дастлабки олтин медаль қўлга киритилди.
- -50 кг: Самандар Олимов қирғизистонлик рақибини биринчи раунддаёқ нокаутга учратди ва яна бир олтин медаль!
- -52 кг: Суннатилла Ўктамалиев қозоғистонлик рақибига имкониятни бой берди ва кумуш медалга сазовор бўлди.
- -54 кг: Мироншоҳ Норқосимов таиландлик рақибига имкониятни бой берди ҳамда кумуш медални қўлга киритди.
- -57 кг: Фаррух Тўлаганов қозоғистонлик боксчига ютқазиб қўйди, кумуш медаль!
- -60 кг: Мирзакамрон Юнусов ҳинд боксчисига имкониятни бой берди ва яна бир кумуш медални тақдим этди.
- -63 кг: Ҳожиакбар Қудратов ҳам кумуш медаль билан кифояланди, унда ҳам мағлубият.
- -70 кг: Жаъфарбек Шахбозов иорданиялик рақибини мағлубиятга учратди ва олтин медалга сазовор бўлди.
- -75 кг: Темурбек Абдуваҳобов қозоғистонлик рақибини мағлуб этди. Навбатдаги олтин медаль!
- -80 кг: Раҳмонжон Қодиров ҳиндистонлик рақибидан устун келиб, олтин медаль соҳибига айланди.
- +80 кг: энг оғир вазнли боксчимиз Озодбек Алиев ҳам қозоғистонлик рақибини мағлуб этди ва терма жамоа ҳисобига олтинчи олтин медални қўшиб қўйди.
