Аргентина терма жамоасининг афсонавий футболчиларидан бири Диего Марадона ҳамюрти Лионель Мессининг терма жамоадан кетиши ҳақидаги хабарга ўз муносабатини билдирди.
“Месси мамлакат термасида қолиши қолиши керак. У жаҳон чемпиони бўлиши учун Россияга боради. Агар Месси Аргентина учун ўйнамаса, бу мамлакат учун катта фожиа бўлади”, – деди Марадона.
Америка Кубоги–2016 финалида Аргентина пенальтилар сериясида Чилига имкониятни бой берди. Месси эса мамлакат термаси сафида қаторасига учинчи финалда мағлуб бўлди. Шундан сўнг у термадаги фаолиятини якунлашга қарор қилди.
