Ижтимоий тармоқларда Фарғона вилоятида фуқаролар ўртасида жанжал бўлгани видеоси тарқалди.
ИИВ вазирлиги Матбуот хизмати ҳолати юзасидан текширув ўтказилаётгани ҳақида маълум қилди.
Аниқланишича, жорий йилнинг 13 май куни Фарғона шаҳар А.Жомий кўчасида жойлашган 16-сонли кўп қаватли уйда яшовчи қўшнилар ўртасида, хонадонларнинг бирида ит боқиш билан боғлиқ маиший муаммолар оқибатида жанжал келиб чиққан. Натижада, бир нечта қўшнилар бир-бирларини хақоратлаб, тан жароҳатлари етказиб, хонадон ойналарини синдиришган.
Хозирда, жамоат тартибини бузишда қатнашган барча иштирокчиларнинг шахси аниқланган бўлиб, ҳолат юзасидан тергов олди суриштирув ишлари олиб борилмоқда.
