АсосийSUG'DIYONA

Фақатгина аёлларга хос бўлган 5 суперқобилият

Аёл танасининг ўзига хос бўлган сирлари мавжуд. Бугунги кунда дунё олимлари аёллар интуициясининг ишлаш жараёнини, нима учун эрталаб аёлларда бош оғриғи кузатилишини, нима учун уларнинг кўзига дунё эркакларникига нисбатан ёрқинроқ кўринишини ўрганишга киришдилар. Бу ҳақда “Interesno.cc” нашри маълумот берди.

Дон Жуан эркакларни бир қарашда сезади
Аёллар ўртасида ўтказилган сўровнома натижаларига кўра, улар енгилтабиат эркакни бир нигоҳ ташлаш орқали сезишади. Австралия миллий университети олимлари ўтказган тадқиқотларда 34 нафар аёл иштирок этган. Уларнинг олдига эркакларнинг 20 та фотосурати қўйилиб, хиёнаткор эркакни аниқлаш талаби қўйилган. Аёлларнинг 62 фоизи хиёнаткорларни тўғри топган. 

Рангларни бошқача кўради
Аксарият аёллар эри билан бозорда ўзига кўйлак танлаётганда, турмуш ўртоғи танлаган кўйлакдан жиғибийрон бўлишади. Бу эркакларга қандай кўйлак сотиб олишингизнинг аҳамияти йўқ дегани эмас, улар аёллардан фарқли равишда рангни бошқача кўришади. Нью-Йорк университети олимларининг ўтказган тадқиқотлари бўйича эркак ва аёл бирдай сотиб олган апельсин ранги сўралганда, эркак унинг рангини қизғиш деган бўлса, аёл эса сарғиш деб жавоб берган. Тадқиқотчиларнинг фикрича, бу нарса кўз қурилишига боғлиқ эмас, балки мияга боғлиқ экан.

Қутқарувчи оғриқлар
Олимлар аёлларнинг ҳомиладорлик пайтида рўй берадиган токсикозни илмий томондан изоҳлашди. Ҳомиладор аёлларда эрталаб кўнгил айниши ва бош оғриғи она қорнидаги ҳомилани гўштда, балиқда ва товуқ гўштида бўладиган турли зарарли токсинлардан ҳимоя қилиш механизми экан. Бу айниқса, ҳомила ҳали яхши ривожланмаган, илк ойларда кучли бўлади. Токсикоз кучли бўлган ҳомиладор аёлларда бошқаларга қараганда ҳомила тушиш хавфи кам бўлади.

Кучли иммунитет
Аёлларда иммунитет яхши ривожлангани учун уларни заифа деб атаб бўлмайди. Кучли иммунитет кексайиш жараёнини ҳам секинлаштиради,шунинг учун ҳам аёллар эркаклардан кўра кўпроқ умр кўради.

Хавфни ҳис қилиш
Аёллар хавфни эркаклардан илгари сезади, бунинг бош сабаби улар нафақат ўзи, балки туғилажак фарзанди учун ҳам жавоб беради. Япониялик олимлар бир гуруҳ турли ёшдаги эркак ва аёлга илон зўрға кўзга ташланадиган, ҳар хил фотосуратларни тарқатишди. Суратдаги илонни аксарият аёллар пайқаган, эркаклар эса бунга эътибор бермаган.

Бошқа янгиликлар