Бухоролик таниқли боксчи, Олимпиада чемпиони Шахрам Ғиёсов Ўзбекистон Республикаси Божхона органига ишга қабул қилинди. Бу ҳақда у ўзининг facebook саҳифасида маълум қилиб, ҳарбий кийимдаги суратини жойлаштирган.
Маълум бўлишича, спортчига «катта сержант» унвони берилган.
Божхона қўмитаси матбуот хизмати раҳбари Ҳусен Тангриев ҳам ўз саҳифасида боксчининг божхона хизматига ишга кирганига ишора қилиб, унинг расмини жойлаштирган ва «Сафимизга хуш келдингиз» дея изоҳ қолдирган.
