Ўзбекистонлик оғир атлетикачи, Бразилияда рекорд ўрнатган олимпия олтини соҳиби Руслан Нуриддинов қалин соқолини қиртишлаб ташлади, деб хабар қилмоқда “Sputnik O`zbekiston”.
Спортчининг ўзи янги имидж борасида шахсан изоҳ бергани йўқ. Аммо мухлислари Русланни соқол билан кўришга ўрганиб қолишган. Шу боис, соқол спортчи учун ўзига хос тумор вазифасини ўтаган, шунинг учун у Олимпиада баҳслари олдидан соқолини олмаган, деб фикр билдираётганлар ҳам топилмоқда.
Ўзбекистонлик оғир атлетикачи илк маротаба янги имижда Миллий Олимпия қўмитаси кўмагида тайёрланган видеомурожаатда намоён бўлган.
“Мен ўз ғалабамни халқимга, Ўзбекистонимга бағишлайман, ҳаммангизни севаман, менга мухлислик қилганларингиз учун, қўллаб-қувватлаганларингиз учун миннатдорман. Қўллаб-қувватлаганларингиз сезилиб турди, спортчи ҳаётида рўй бериши мумкин бўлган энг яхши нарса ҳам аслида шу. Халқ меҳридан ортиғи бўлмайди. Мен барчангизни севаман, мен ўз халқимни севаман, Ўзбекистонни севаман. Олтин медални Мустақиллигимизнинг 25 йиллигига бағишлайман”, — дея таъкидлаган Нуриддинов.
Эслатиб ўтамиз, Руслан Нуриддинов вазни 105 килограммгача бўлган эркаклар ўртасида ўтказилган оғир атлетика мусобақаларида иккита уринишда 225 ва 230 кг тошни кўтариб, олтин медални қўлга киритди. Сўнгги уринишда олимпия рекорди ҳисобланган 237 кг тошга буюртма берилди ва рекорд ўрнатилди.
14.07.2021, 17:37
Ўзбек футболининг жонкуяр тарихчиси, машҳур спорт журналисти Владимир Ашотович Сафаров бугун, 14 июль куни 82 ёшида вафот этди. Владимир Сафаров 1939 йилнинг 17 январида Тошкент шаҳрида...
26.04.2021, 17:54
Аввалроқ, Польша мезбонлик қилган ёшлар ўртасидаги жаҳон чемпионатида -54 кг вазнли боксчи қизимиз Нигина Ўктамова барча рақибаларини мағлубиятга учратган ҳолда, олтин медалга сазовор бўлиб ва...
27.02.2021, 22:07
Германиянинг нуфузли спорт сайти Ўзбекистон давлат жисмоний тарбия ва спорт университетининг енгил атлетика ихтисослиги ўқитувчиси ва мураббийи, мустақил тадқиқотчи Рашид Бурнашев ҳақида мақола чоп этди....
04.11.2020, 11:35
4-24 ноябрь кунлари пойтахтимизда дзюдо бўйича бешта давлат терма жамоалари иштирокида халқаро қўшма ўқув-машғулот йиғини ўтказилади. Ушбу йиғинда юртимиз дзюдочилари билан бирга Грузия, Франция, Қирғизистон...
