2022 йил 19 октябрь куни соат 03:46да Андижон шаҳар Ёрбоши МФЙ Наиман кўчасида жойлашган “Жаҳон савдо комплекси” АЖга қарашли дўконларда ёнғин бўлаётганлиги тўғрисида вилоят фавқулодда вазиятлар бошқармасига хабар келиб тушган. Бу ҳақда ФВВ матбуот хизмати хабар бермоқда.
Воқеа жойига 10 та ёнғин-қутқарув экипажлари соат 03:56да етиб боришиб, ёнғин соат 04:00да тўлиқ қуршаб олинган, соат 04:16да ёнғин батамом ўчирилган.
Ёнғин оқибатида фуқароларни тан жароҳати олиш ва ҳалок бўлиш ҳолатлари қайд этилмади, дейилади вазирлик хабарида.
