Телеграм мессенжери орқали "Human Power Consult" ташкилоти томонидан фуқаролар Литвага ишга жўнатилиши учун танловлар ўтказилиши ҳақида эълон берилган.
Шунингдек, бир гуруҳ фуқаролар мурожаатидан маълум бўлишича, ушбу танловда иштирок этиш учун пул ҳам сўралган.
Ташқи меҳнат миграцияси агентлиги ҳамда Литванинг халқаро юк ташувчи транспорт компанияси ўртасидаги ҳамкорлик келишувига асосан CE тоифадаги ҳайдовчилар ишга таклиф этилган ва шу кунларда қизиқиш билдирган номзодлар ўртасида танлов ўтказилмоқда.
Хабарда маълум қилинишича, ушбу танловда иштирок этиш мутлақо бепул. Бу ҳақда Ташқи меҳнат миграцияси агентлиги хабар бермоқда.
Таъкидлаш жоиз, фуқароларни хорижга ишга жўнатиш Ўзбекистон Республикаси қонунчилигига мувофиқ, лицензияли фаолият ҳисобланади. Қуйида лицензияга эга бўлган ХБА рўйхатини келтириб ўтамиз:
Лицензияга эга ХБА рўйхати
