Ер сайёрасида ҳавонинг иссиб кетиши хавфли инфекциялар ва касалликлардан ўлим кўрсаткичлари ортишига сабаб бўляпти

САЛОМАТЛИК 06.11.2022, 10:51
Ер сайёрасида ҳавонинг иссиб кетиши хавфли инфекциялар ва касалликлардан ўлим кўрсаткичлари ортишига сабаб бўляпти

Жаҳон соғлиқни сақлаш ташкилоти раҳбарининг БМТ мутасаддилари билан навбатдаги қўшма баёноти Глобал иқлим ўзгариши муаммосига бағишланди. Бу ҳақда ССВ матбуот хизмати хабар бермоқда.

Унда қайд этилишича, сайёрамизда ҳаво ҳарорати кўтарилиши турли табиий офатлар билан бирга, хавфли инфекциялар ва касалликлардан ўлим кўрсаткичлари ортишига сабаб бўляпти. Қолаверса, очарчилик туфайли кўплаб инсонлар ҳаётдан кўз юммоқда. 

ЖССТ бош директори Т. Гебрейесус бу ҳолатга баҳо берар экан, иқлим инқирозини саломатлик таназзулига қиёслади. Масалан, Африка мамлакатларида глобал исиш оқибатида юзага келган қурғоқчилик ва сув тошқинлари 47 миллион кишини очарчиликка дучор этди. Ичимлик суви танқислиги эса айрим минтақаларда вабо эпидемиясининг авж олишига туртки бўлди. 

Бундан ташқари, Ер юзида ҳарорат кўтарилиши океанлар суви таркибида ишқорлар ортиши ва исишига олиб келди. Бу эса уммонлардаги озиқ-овқат учун яроқли жонзотларнинг қирилиб кетишига сабаб бўлмоқда. Ўз навбатида, дунёда тахминан 222 миллион киши озиқ-овқат хавсизлигининг юқори даражасидан азият чекмоқда. Улар кунига зўрға бир маҳал овқатланиш қурбига эга. Яна 45 миллион одам очарчилик ёқасида.

 “Буларнинг барчаси Ер куррасида ҳаво ҳарорати 1,2 даража ортгани асоратидир, — дейди БМТ мутасаддиси. — Аммо вазият шундай давом этаверса, бу кўрсаткич яқин келажакда 2 баравар ошиши ҳеч гап эмас. Ўшанда инсоният глобал қурғоқчилик, тошқинлар ва янада хавфли эпидемиялар билан рўбарў келиши мумкин”. 

Қўшма баёнотда келтирилишича, келаси ҳафта Мисрда бўлиб ўтадиган БМТнинг иқлим ўзгаришларига бағишланган конференциясида ушбу мавзу кун тартибидаги асосий масала бўлади. 

 

Шарҳлар

Об-ҳаво: Тошкент
Валюта курси
1