Мадриднинг “Реал” жамоаси ҳужумчиси Криштиану Роналду “Осасуна”га қарши (5:2) Испания чемпионати 3-туридан сўнг яқиндагина у ҳақда муносабат билдирган “Барселона”нинг собиқ футболчиси Хави ҳақида ўз фикрини айтди. Бу ҳақда Sports.ru интернет-нашри маълум қилмоқда.
“Мени футболчилар орасида энг кўп интернетда излашади. Хави мен ҳақимда гапиряпти? У эътиборга муҳтож . Хави барчасини ютган, аммо унда “Олтин” тўп йўқ. Менда эса улар учта! У ҳозир Қатарда, лекин у ўйнаяптими, йўқми буни хатто билмайман”, – деди португалиялик ҳужумчи.
Эслатиб ўтамиз, Роналду "Осасуна"га қарши ўйинда мавсумдаги илк ўйинини ўтказиб, 6-дақиқада гол киритишга муваффақ бўлганди.
