1

АИ-80 русумли бензин йўқ деб қиммат бензинларни сотишаётгани айтилмоқда. Энергетика вазирлиги ойдинлик киритди

ИҚТИСОДИЁТ 06.12.2022, 12:02
АИ-80 русумли бензин йўқ деб қиммат бензинларни сотишаётгани айтилмоқда. Энергетика вазирлиги ойдинлик киритди

Ижтимоий тармоқларда "АИ-80 русумли бензин йўқ деб қиммат бензинларни сотишаётган экан" мазмунидаги хабарлар тарқалмоқда. Ҳолат юзасидан Энергетика вазирлиги расмий маълумот берди.

Маълум қилинишича, ҳозирги кунда "Ўзбекнефтгаз" АЁҚШларида АИ-80 русумли автобензиннинг нархи оширилмаган ва унинг 1 литри 6 800 сўмлигича сақланиб қолмоқда. Шунингдек, АИ-92 маркали автобензин 9500 сўмдан ва АИ-95 маркали автобензин 10 500 сўмдан сотилмоқда.

"Шу билан бирга, бугунги кунда республика нефтни қайта ишлаш заводларида суткасига 4 000 тоннадан автобензин ишлаб чиқарилиб, биржа савдолари орқали истеъмолчилар эҳтиёжлари учун йўналтирилмоқда. Бундан ташқари автобензин захираси етарли эканлигини маълум қиламиз.

Шу билан бирга, хусусий тадбиркорлар томонидан қўшимча автобензин импорти амалга оширилиб келинмоқда. Жорий йил бошидан бир ойда ўртача 10 минг тонна автобензин импорт қилинмоқда.

Бундан ташқари, хом-ашё импорти ҳажмларини ошириш ҳисобига автобензин ишлаб чиқариш ва биржа савдоларига қўйиб борилаётган автобензин ҳажмларини ошириш чоралари кўрилмоқда", - деб маълум қилинди хабарида.

Маълумот учун, 2 декабрь ҳолатига кўра, биржа платформасида АИ-80 бензин нархи 7,8 млн сўмни ташкил этган.

Шарҳлар

Об-ҳаво: Тошкент
Валюта курси
1