Қашқадарёда 28 ёшли аёлнинг жасади ҳаммомдан топилганлиги ҳолати юзасидан Бош прокуратура матбуот хизмати маълумот тақдим этди.
Маълум қилинишича, мазкур ҳолат юзасидан терговга қадар текширув ҳаркатлари олиб борилган.
Текшириш давомида аёлни собиқ турмуш ўртоғи қасддан ўлдирганлиги аниқланган.
Ушбу ҳолат бўйича 17 декабрь куни Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилган ва гумонланувчи процессуал тартибда ушланган.
Тергов ҳаракатлари олиб борилмоқда.
