Бразилия президенти Луиз Инациу Лула да Силва норозилик намойишлари туфайли мамлакат пойтахтида январь ойи охиригача фавқулодда ҳолат эълон қилди. Шунингдек, у тартибсизликларни келтириб чиқарганларни жазолашга ваъда берди. “Уларнинг барчаси қонун бўйича тўлайди. Ким буни қилган бўлса, топилади ва жазоланади. Биз фашистлар деб атайдиган одамлар, сарой ва конгрессга бостириб кирган”, - деб ёзди да Силва Твиттерда.
Ҳукумат истеъфосини талаб қилиб, президентлик сайловларида мағлуб бўлган Жаир Болсонаро тарафдорлари 8 январь, якшанба куни кечки пайт конгресс (яъни парламент) биносига бостириб киришди. Болсонаристлар президент саройи ва Федерал Олий суд биноларига ҳам бостириб киришган Полиция таёқ ва тошлар билан қуролланган намойишчиларга қарши кўздан ёш оқизувчи газ ишлатган.
Пойтахт федерал округи жамоат хавфсизлиги котибияти раҳбари Андерсон Торрес твиттерда "тартибни тиклаш учун" зудлик билан чора кўришни буюрганини айтди. Мамлакат Адлия ва жамоат хавфсизлиги вазири Флавио Дино Болсонаро тарафдорларининг антидемократик ҳаракатларининг бемаънилигини эълон қилди ва "иродани куч билан ўрнатишга уриниш ғалаба қозонмаслигини" таъкидлади.
Бразилия пойтахтидаги тартибсизликлар аллақачон АҚШ, Европа Иттифоқи ва Лотин Америкасининг қатор давлатлари томонидан қораланган.
