Айни кунларда Вьетнамнинг Дананг шаҳрида пляж спорт турлари бўйича навбатдаги Осиё ўйинлари давом этмоқда. ЎФФ матбуот хизматининг хабар беришича, мазкур мусобақада иштирок этаётган пляж футболи бўйича Ўзбекистон терма жамоаси бугун ўзининг илк учрашувида БАА терма жамоасига қарши майдонга тушди.
Голларга бой ва қизиқарли ўйинда жамоалар асосий вақтда 3:3 ҳисобида дуранг ўйнашди. Ўйиндан кейинги пенальтилар сериясида эса, Ўзбекистон терма жамоаси 2:0 ҳисобида ғалаба қозонди. Учрашувда Жамолиддин Шарипов иккита гол киритган бўлса, терма жамоанинг яна бир голига Феруз Фахриддинов муаллифлик қилди.
Шу тариқа, Аҳад Юсупов бош мураббийлигидаги Ўзбекистон терма жамоаси гуруҳда муддатидан олдин биринчи ўринни қўлга киритди ва кейинги босқичига йўл олди. Боиси, гуруҳнинг яна бир вакили Фаластин терма жамоаси мусобақада иштирок этмаган ва Ўзбекистон ҳамда БАА терма жамоалари чорак финалга йўлланма олишди.
Ўзбекистон терма жамоаси кейинги босқичда турнирнинг "D" гуруҳида иккинчи ўринни қўлга киритиган Афғонистон терма жамоасига қарши ўйнайди. Мазкур ўйин 29 сентябрь куни бўлиб ўтади.
Маълумот учун, мусобақанинг "A" гуруҳида Вьетнам, Лаос, Таиланд жамоалари ўрин олган бўлишса, B гуруҳида Уммон, Қатар ҳамда Ливан терма жамоалари ўрин эгаллашган. Турнирнинг сўнгги D гуруҳидан эса, Япония, Хитой ҳамда Афғонситон терма жамоалари ўрин олган.
Пляж спорт турлари бўйича Осиё ўйинлари
Пляж футболи, “C” гуруҳи
Ўзбекистон – БАА 3:3 (пенальтилар серияси — 2:0).
Голлар: Жамолиддин Шарипов (2та), Феруз Фаҳриддинов.
13.09.2023, 11:02
Осиё кубоги учун саралаш ўйинлари якунланди, дея хабар бермоқда "darakchi.uz" мухбири. Маълум бўлишича, сўнгги 6 ўйинда рақиблари дарвозасига 25 та гол киритиб, 3 та гол ўтказиб...15.03.2023, 11:00
FIFA навбатдаги жаҳон чемпионати формати борасида қарор қабул қилди ва уни тасдиқлашга яқин турибди, дея ёзди "zamon.uz".Бу 48 та жамоа иштирок этадиган биринчи жаҳон чемпионати...24.01.2023, 10:47
Аввал хабар қилганимиздек, Ўзбекистон ва Қирғизистон ҳамкорликда 19 турдаги енгил автомобиллар, жумладан микроавтобус, пикап, седан ва бошқаларни ишлаб чиқаришни режалаштирган. Қирғизистонда ишлаб чиқарилган автомобиллар нархи 13...18.01.2023, 11:45
Россия президенти Владимир Путин иқтисодий масалалар бўйича йиғилиш ўтказди ва унда Марказий Осиё мамлакатларидаги совуқлар ҳақида фикр билдирди. Россия раҳбари бош вазир Михаил Мишустиндан агросаноат мажмуасида...