Корея Республикаси ҳуқуқ-тартибот идоралари мамлакат президентининг қайнонаси – Чхве Ин Сунни банк ҳужжатини қалбакилаштириш айблови билан қўлга олди, деб хабар берди “Yonhap” агентлиги.
Суд унинг 2021 йилги бир йиллик қамоқ жазоси устидан шикоятини рад этди. Кейин 76 ёшли Чхве Ин Сун ҳибсга олинмади.
Аёл судда ўзининг айбсизлигини эълон қилган ва апелляция рад этилганидан кейин ҳушидан кетган, дея қайд этади агентлик.
Чхве Ин Сун 34,7 миллиард вон (тахминан 27 миллион доллар) миқдоридаги депозит сертификатини қалбакилаштиришда айбланмоқда, у 2013 йилда Сеул жанубидаги Сеонгнам шаҳридан ер участкаларини сотиб олишда фойдаланган.
Корея Республикаси Президентининг қайнонаси 2015 йилда зарур тиббий лицензиясиз қариялар парвариши муассасасини очгани учун давлат тиббий суғуртаси бўйича қарийб 1,7 миллион АҚШ доллари миқдорида нафақа олишда фирибгарликда айбланган эди.
