Тошкентда 31 ёшли журналист аёл дори реакция бериши оқибатида вафот этгани ҳақида хабар берилган эди.
“Zamon” мухбири ҳодиса тафсилотларини ўрганди. Журналистнинг синглиси опасининг ўлимига дори сабаб бўлганини инкор этмоқда.
Унинг айтишича, журналист ушбу дорини аввал ҳам қабул қилган, лекин унинг ножўя таъсири бўлмаган. Унинг вафотига антибиотик сабаб бўлмаганлигини айтмоқда.
Уни даволаган хусусий клиника шифокорининг қайд этишича, баъзида дорилар такрор қабул қилингандан сўнг ҳам аллергик реакция бериши мумкин. Марҳумнинг яқинлари дорини энергетик ичимлик билан ичганини ҳам қайд этишган.
Эслатиб ўтамиз ҳозирда мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
