Сурия исёнчиларининг етакчиларидан бири Муҳаммад ал-Башир ўзини мамлакат раҳбари деб эълон қилди. У фуқароларга қарата қилган телевидение орқали мурожаат қилиб бу лавозимни камида 2025 йил 1 мартгача эгаллаб туришини маълум қилди.
ОАВ хабарларига кўра, у “Ҳаят Таҳрир аш-Шом” гуруҳининг етакчиси Абу Муҳаммад ал-Жавлоний билан яқин алоқаларга эга ҳисобланади.
Суриянинг янги ўтиш даври ҳукумати бош вазири Муҳаммад ал-Башир собиқ президент Башар Асад режими ағдарилганидан сўнг сурияликлар осойишталик вақти келганини айтди.
"Бугун Вазирлар маҳкамаси йиғилишини ўтказдик. Биз Сурия халқига хизмат қила оладиган конституциявий тузумга эга бўлгунимизча, Идлиб ва унинг атрофидаги ҳудудлардаги эски ҳукумат аъзоларига ва Асад давридаги маъмурият раҳбарларининг айримларига келгуси икки ой давомида ҳамкорликда ишлашни таклиф қилдик", — деган Ал-Башир.
