Бирлашган Араб Амирликларидан Интерпол каналлари орқали қидирувда бўлган икки нафар фуқаро Ўзбекистонга топширилди. Бу ҳақда Ички ишлар вазирлиги хабар берди.
Билдирилишича, Тошкент ва Абу Даби Интерпол Миллий марказий ҳамкорлигида оғир жиноят содир этган 2 нафар шахс Ўзбекистонга олиб келинган.
Ушбу шахслар мамлакат ҳудудида содир этилган иқтисодий ва мулкий жиноятлар бўйича қидирувда бўлган. Эндиликда мазкур шахслар жиноий жавобгарликка тортилиши учун суд олдида жавоб беради.
Шунингдек, вазирлик икки давлат Интерпол бўлимлари ўртасидаги ҳамкорлик кучаяётганини, бу эса жиноятчиларни топшириш бўйича кўрсаткичларнинг ортишига хизмат қилаётганини таъкидлади.
