Маълум қилинишича, “яшил” йўлак орқали ўтган йўловчининг юклари текширувдан ўтказилганда спорт озуқаси сифатида қадоқланган капсулалар шубҳа уйғотган. Қутилардаги капсулалар сони меъёрдан ортиқ бўлиб, уларнинг ранги ҳам асл кўринишидан фарқ қилгани аниқланган.
Экспертиза хулосасига кўра, капсулалар ичида Алфа ПВП туридаги синтетик наркотик борлиги маълум бўлган. Тезкор тадбирлар давомида Юқоричирчиқ тумани да “закладка” усулида яширилган қарийб ярим килограмм гашиш ҳам топилган.
Ҳолат юзасидан божхона органлари томонидан жиноят иши қўзғатилган.
