Тошкент шаҳрининг Юнусобод туманида юқори кучланишли электр кабелларида қисқа туташув содир бўлди. Бу ҳақда Фавқулодда вазиятлар бош бошқармаси хабар қилди.
Маълум қилинишича, бугун, 23 июнь куни соат 13:24 да Юнусобод туманидаги Янги Юнусобод кўчасида электр симлари ёнаётгани ҳақида Тошкент шаҳар Фавқулодда вазиятлар бош бошқармасига хабар келиб тушган.
Шундан сўнг қутқарув техникалари воқеа жойига жалб этилган. Соат 13:37 да манзилга етиб борган мутахассислар юқори кучланишли электр кабелларида қисқа туташув юз берганини аниқлаган.
Ҳодиса оқибатида бир туп дарахт зарарланган.
Қайд этилишича, воқеа жойида жабрланганлар йўқ.
