Ҳиндистоннинг Чхаттисгарх штатида йўловчи ва юк поездлари тўқнашди, оқибатда 11 киши ҳалок бўлди, 20 киши жароҳат олди. Бу ҳақда NDTV хабар берди.
Маълум бўлишича, йўловчи поезд ҳаракатсиз турган юк поездига урилган. Олдинги вагонлар жиддий шикастланган ва ҳатто иккинчи поезднинг устига чиқиб қолган. Ҳодиса жойига тез ёрдам ва тиббий бригадалар етиб бориб, жабрланганларга биринчи ёрдам кўрсатган. Қутқарилганлар орасида чақалоқ ҳам бор.
Ҳодиса оқибатида электр тармоғи ва сигнал тизими зарар кўрган, бу поездлар ҳаракатини тўхтатган. Тергов ишлари бошланган, дастлабки маълумотларга кўра, машинист фавқулодда тормозни вақтида боса олмаган.
