Жанубий Корея Қозоғистон билан йирик ҳажмда нефть етказиб бериш бўйича келишув арафасида турибди. “Reuters” хабарига кўра, мамлакат саноат вазири Ким Чжонг Кван битим тафсилотлари яқин кунларда эълон қилинишини маълум қилган.
Сеул ҳозиргача нефть импортининг қарийб 70 фоизини Яқин Шарқ давлатларидан олиб келган. Бироқ Эрон атрофидаги вазият ва Ҳормуз бўғозидаги эҳтимолий узилишлар энергия хавфсизлигига таҳдид солмоқда. Шу сабаб мамлакат таъминотни диверсификация қилишга киришган.
Юқори даражадаги делегация Қозоғистон, Уммон ва Саудия Арабистонига ташриф буюриб, янги ҳамкорлик йўналишларини муҳокама қилган. Қозоғистондан нефть етказиб бериш 50–60 кун вақт олиши қайд этилмоқда, бу АҚШдан импорт қилинадиган нефть муддатига яқин.
