Охирги 3 йилда божхона органлари томонидан 40 га яқин ҳолатларда ёввойи ҳайвонлар ва ёввойи ўсимликларни божхона постлари орқали яширинча олиб ўтиш билан боғлиқ ҳолатлар аниқланган. Натижада 350 бошга яқин ёввойи қушлар, 600 бошга яқин турли ёввойи ҳайвонлар, 100 яқин ҳайвонлар шохлари, тери ва шу каби ашёлар ва янада ачинарлиси, 7,7 мингга яқин турли ёввойи ўсимлик, 10 минг донадан зиёд ҳашоратларни олиб ўтишга уриниш бўлган. Инобатга олиниши керак бўлгани кўпроқ олиб киришга бўлган ҳолатлар кўзга ташланади. "Республикага бутун дунё қизил китобига киритилган энг ноёб ҳайвонларни ҳам олиб киришга уринишларини гувоҳи бўлдик" - дейди Божхона қўмитаси ахборот хизмати раҳбари.
Ноёб ҳайвонлар ушланган заҳоти Божхона органлари томонидан Тошкент ҳайвонот боғига топширилади.
"Афсуски ҳайвонларни ноқонуний олиб киришда багажлар ичида, самолёт юкхонасида, мевалар орасига яшириб, йўл сумкаларига зичлаб жойлаб олиб киришга уринишлар бўлган. Бу ҳолатларни бемалол ҳайвонларга шафқатсизларча муомалада бўлиш дейиш мумкин. Ҳатто шундай олиб кирилиш оқибатида нобуд бўлган ҳайвонлар бор." - деб сўзларини якунлади Ҳусан Тангриев.
CITES CoP20 конференциясидан сўнг Божхона ва Экология ва иқлим ўзгариши миллий қўмиталари ўртасида ҳамкорлик янада кучайтирилади ва жараёнлар рақамлаштирилади.
