Нигер штатининг Боргу маҳаллий ҳукумати ҳудудида жойлашган Касуван-Дажи қишлоғига бостириб кирган қуролланган шахслар аҳолига қарата ўт очди.
Ҳужум чоғида маҳаллий бозор ҳамда бир нечта уйлар вайрон қилинган. Расмийларга кўра, ҳалок бўлганлар сони камида 30 нафарни ташкил этади, бироқ маҳаллий аҳоли қурбонлар бундан кўпроқ бўлиши мумкинлигини билдирмоқда.
Гувоҳларнинг айтишича, якшанба куни бир неча киши бедарак йўқолган, ўғирлаб кетилганлар орасида болалар ҳам бор. Ҳудудда хавфсизлик кучлари кечикиб етиб келгани ҳақида ҳам эътирозлар билдирилмоқда.
Маҳаллий католик черкови вакили ҳужум уч соатга яқин давом этганини ва қурбонлар сони 40 нафардан ошганини маълум қилган.






