“Cloudflare” компанияси маълумотига кўра, 3 январь куни Эронда интернет трафиги одатдагидан қарийб учдан бир қисмга камайган. 4 январь эрталаб эса кўрсаткич яна тахминан 15 фоизга пасайган. Ижтимоий тармоқларда фойдаланувчилар кенг кўламли узилишлар ҳақида хабар бермоқда.
Эрон ҳукумати аввал ҳам — 2009, 2019 ва 2022 йиллардаги намойишлар, шунингдек, 2025 йил июнь ойидаги ҳарбий воқеалар пайтида интернетга қисман чекловлар жорий этган. Айрим ҳолатларда эса фақат алоҳида сайтлар ишлаган.
Маълумотларга кўра, 28 декабрда бошланган норозиликлар 31 вилоятдан 27 тасида, камида 88 шаҳарда ўтган. Ҳуқуқ ҳимоячилари намойишлар давомида 35 киши ҳалок бўлганини билдирган.
