Неймар Instagram саҳифасида ўзининг қимматбаҳо техника ва транспорт воситаларидан иборат коллекциясини мухлисларга намойиш қилди. Маълумотларга кўра, футболчининг ушбу тўплами умумий ҳисобда 65 миллион долларга баҳоланмоқда.
Коллекциядан тахминан 45 миллион доллар қийматга эга Dassault Falcon 900LX бизнес самолёти, шунингдек, 9 миллион долларга баҳоланган Airbus H145 вертолёти ўрин олган. Энг ноёб экспонат эса 2 миллион доллар атрофида баҳоланаётган “Batmobile” автомобили нусхаси бўлиб, у мухлислар орасида катта қизиқиш уйғотди.
Эслатиб ўтамиз, аввалроқ Неймар “Сантос” клуби билан шартномасини 2026 йил охирига қадар узайтирганини маълум қилган эди.
