Рақобат қўмитаси ҳузуридаги тадқиқот маркази томонидан ўтказилган таҳлилларга кўра, қатор товар бозорларида маҳаллий маҳсулотлар билан тўйинганлик даражаси пастлигича қолмоқда.
Жумладан, MDF плиталар бозорида маҳаллий ишлаб чиқариш улуши атиги 8,1 фоизни ташкил этган. Спорт пойабзаллари бўйича бу кўрсаткич 10,2 фоиз, пойабзал кремида эса 11,1 фоизни ташкил этган.
Айрим товарлар, хусусан электроустара ва зажигалкалар бўйича эса маҳаллий ишлаб чиқариш умуман мавжуд эмас — бозор тўлиқ импорт ҳисобига таъминланмоқда.
Таҳлил натижаларига кўра, мазкур йўналишларда ички ишлаб чиқаришни йўлга қўйиш ва кенгайтириш учун катта имкониятлар мавжуд. Қўмита тадбиркорларни ушбу сегментларга эътибор қаратишга чақирмоқда.
